Aaj News

حکومت عالمی بینک اور آئی ایم ایف سے رابطے کیلئے پرعزم ہے: مفتاح اسماعیل

پاکستان مسلم لیگ نواز کے رہنما مفتاح اسماعیل نے کہا ہے کہ نئی...
شائع 16 اپريل 2022 03:08pm
Photo: FILE
Photo: FILE

پاکستان مسلم لیگ نواز کے رہنما مفتاح اسماعیل نے کہا ہے کہ نئی قائم ہونے والی حکومت عالمی بینک اور آئی ایم ایف کے ساتھ قریبی رابطے جاری رکھنے" کیلئے پرعزم ہے۔

اپنے ٹویٹر بیان میں مفتاح اسماعیل نے کہا کہ "ڈاکٹر ناجی بینہسین، پاکستان کیلئے ورلڈ بینک کے کنٹری ڈائریکٹر اور آئی ایم ایف کی ریذیڈنٹ نمائندہ ڈاکٹر ایستھر پیریز روئز نے مجھ سے بشکریہ ملاقات کی ہے۔

انہوں نے کہا کہ "پاکستان ان اداروں کے ساتھ قریبی روابط جاری رکھے گا اور ایسی اصلاحات کو آگے بڑھائے گا جس کے نتیجے میں میکرو اکنامک استحکام آئے گا"۔

دریں اثنا ملک کے زرمبادلہ کے ذخائر تیزی سے کم ہو رہے ہیں، اسٹیٹ بینک آف پاکستان کے ذخائر ہفتہ وار بنیادوں پر مزید 470 ملین ڈالر گر کر 10.85 بلین ڈالر تک پہنچ گئے۔

World Bank

IMF

Miftah Ismail

Comments are closed on this story.