جدہ: چیف آف آرمی اسٹاف جنرل قمر جاوید باجوہ کو سعودی عرب کے اعلیٰ ترین اعزاز شاہ عبد العزیز میڈل سے نوازا گیا ہے۔

عرب میڈیا نے مطابق سعودی ولی عہد شہزادہ محمد بن سلمان نے مملکت کے فرماں رواں شاہ سلمان کے حکم پر عمل درآمد کرتے ہوئے پاک فوج کے سپہ سالار جنرل قمر جاوید باجوہ کو کنگ عبدالعزیز میڈل آف ایکسیلنٹ کلاس سے نوازا ہے۔

سرکاری میڈیا کے مطابق جنرل باجوہ کی سعودی اور پاکستان کے تعلقات کو مضبوط بنانے میں نمایاں کوششوں کو سراہا گیا تاہم جنرل قمر جاوید باجوہ ہفتے کے روز ایک دورے کیلئے مملکت میں تھے۔

سرکاری میڈیا نے بتایا کہ سعودی ولی عہد اور جنرل باجوہ نے ملاقات کی اور دوطرفہ تعلقات کا جائزہ لیا، خاص طور پر فوجی شعبوں میں اور مشترکہ دلچسپی کے متعدد امور کے علاوہ ان کو فروغ دینے کے مواقع پر تبادلہ خیال کیا“۔

اس موقع پر سعودی نائب وزیر دفاع شہزادہ خالد بن سلمان سمیت سعودی عرب کے چیف آف جنرل اسٹاف جنرل فیاض الرویلی اور دونوں ممالک کے کئی سینئر حکام موجود تھے۔