چینی ویڈیو ایپ ٹک ٹاک اب شاید مقبولیت کی حد سے آگے نکل کرضرورت کے زمرے میں آگئی ہے، تبھی تو حکومت پاکستان کو بھی اس مقبول ترین ایپ پراکاؤنٹ بنانا پڑا۔

حکومت پاکستان کی جانب سے شارٹ ویڈیو پلیٹ فارم پر بنائے جانے والے ٹک ٹاک اکاؤنٹ کو فالو کرنے کے لیے کہا گیا ہے۔

ڈیجیٹل میڈیا کے لیے وزیراعظم شہبازشریف کے فوکل پرسن ابوبکر عمر نے گزشتہ روزٹوئٹر پراس ٹک ٹاک اکاؤنٹ کا لنک شیئر کیا۔

This is TikTok account of @GovtofPakistan 🇵🇰

Please follow & share it with others.

Thankshttps://t.co/yZSDMV7TAx

— Abubakar Umer (@abubakarumer) August 2, 2022

اس “سرکاری “ ٹک ٹاک اکاؤنٹ پراپ لوڈ کی جانے والی سب سے پہلی ویڈیو سیلاب متاثرین کی مدد کے لیے بلوچستان جانے والے وزیراعظم شہبازشریف کی ہے۔

سب ٹائٹلز کے ساتھ شیئرکردہ اس ویڈیومیں سیلاب متاثرین سے وزیراعظم کی ملاقات کے علاوہ وہاں کی بےیارومددگار عوام کی مدد کے لیے کیے جانے والے اعلانات بھی نمایاں ہیں۔

وزیراعظم کے فوکل پرسن برائے ڈیجیٹل میڈیا کی اس ٹویٹ پرصارفین میں کسی نے اس حیرانگی کا اظہار کیا کہ اگرحکومت ٹک ٹاک بنائے گی تو ملک کون چلائے گا تو کسی نے مشورہ دیا کہ شہباز شریف اور مریم نواز کو بھی اپنا ذاتی ٹک ٹاک اکاؤنٹ بنا لینا چاہیے۔

Kya ab government of Pakistan TikTok bnaye gi mulk ko9 chalaye ga

— Shahbaz Ahmad (@ImShahbazAhmad) August 2, 2022

@CMShehbaz @MaryamNSharif should make their accounts too

— Ammar (@AABangashh) August 2, 2022

تبصروں میں اس اقدام پروفاقی حکومت کو کڑی تنقید کا نشانہ بھی بنایا گیا۔

ٹک ٹاک ایپ چین میں لانچ کیے جانے کے ایک سال 2016 میں بین الاقوامی سطح پر لانچ کی گئی تھی اور اب یہ پاکستان سمیت تقریباً سبھی ممالک میں خصوصاً نوجوانوں میں بے حد مقبول ہے۔

اسی مقبولیت کے پیش نظر امکان ہے کہ 2022 کے اختتام تک ٹک ٹاک استعمال کرنے والے صارفین کی تعداد ایک ارب 80 کروڑ تک پہنچ جائے گی۔