Aaj News

ڈائریکٹر جنرل پنجاب جوڈیشل اکیڈمی کے گھر ڈیڑھ کروڑ کی واردات

ڈاکو ڈیڑھ کروڑ روپے مالیت کی نقدی سونا اور جوہرات لے کر فرار ہوگئے
شائع 11 اگست 2022 06:49pm

لاہور میں ڈائریکٹر جنرل پنجاب جوڈیشل اکیڈمی اشترعباس کے گھر واردات کے دوران ڈاکو ڈیڑھ کروڑ روپے مالیت کی نقدی سونا اور جوہرات لے کر فرار ہوگئے۔

پولیس کے مطابق ڈاکو 80 لاکھ روپے مالیت کا سونا، نقدی اور ہیرے کے زیورات لے اڑے۔

اشتر عباس کی اہلیہ کی مدعیت میں درج واردات کے مقدمے میں بتایا گیا کہ اہلِ خانہ یومِ عاشور کے جلوس میں شرکت کیلئے گئے، واردات 8 اگست کو جی او آر تھری میں ہوئی۔

پولیس کا کہنا ہے کہ فنگرپرنٹس اور دیگر شواہد کی مدد سے تفتیش جاری ہے۔

Comments are closed on this story.