Aaj News

عطا تارڑ کی گرفتاری کے لیےچھاپہ, وزیرداخلہ پنجاب کی’کافی’ پلانے کی آفر

وزیرداخلہ پنجاب اورلیگی رہنما نے ٹوئٹرپر بھی محاذ کھول لیا
اپ ڈیٹ 13 اگست 2022 11:38am

لاہور پولیس نے وزیراعظم شہباز شریف کے معاون خصوصی عطا تارڑ کی گرفتاری کے لیے ان کی رہائشگاہ پر چھاپہ مارا ہے۔

چھاپےکے بعد پولیس کی جانب سے بتایا گیا کہ عطا تارڑگھرپرموجود نہیں تھے تاہم لیگی رہنما نے سوشل میڈیا پراپنے ردعمل میں بتایا کہ چھاپہ ان کی پرانی رہائشگاہ پرمارا گیا ہے۔

اپنی ٹویٹ میں وزیر داخلہ پنجاب کو ‘غیرسنجیدہ کردار’ قرار دیتے ہوئےلیگی رہنما نے لکھا کہ جس گھرمیں، میں 15 سال پہلے رہتاتھا وہاں پولیس بھیج کر کسی راہگیرکو ہراساں کر کے کیا ثابت کرنا چاہتے ہیں۔

عطا تارڑ نے ہاشم ڈوگرکو “ ملک دشمن بیانیے کے دفاع میں اتنا آگے نہ جائیں “ کا مشورہ دیتے ہوئے طنزاً لکھا کہ یہ حال ہے آپ کا، خاک وزارت چلانی ہے آپ نے۔

دوسری جانب وزیرداخلہ پنجاب نے اپنے آفیشل ٹوئٹرہینڈ پر عطا تارڑ کے نام پیغام میں کہا کہ ، عطا تارڑاگر قانون کی طاقت کو سمجھتےہیں تو لاہورمیں پیش ہوجائیں“۔

پی ٹی آئی سے وابستگی رکھنے والے ہاشم ڈوگرنے لیگی رہنما کو کافی پلانے کی آفر بھی کی۔

پولیس کا کہنا ہے کہ عطاء تارڑ 25 مئی کو تشدد کے واقعے میں ملوث تھے اور ان کے خلاف وزیراعلیٰ پنجاب نے درخواست دی تھی، ہم نے دیوار پھلانگی نہ چادراورچاردیواری کا تقدس پامال کیا۔

پولیس نے مزید کہا کہ عطا تارڑ کی غیرموجودگی مین ان کے گھرپرحاضری کانوٹس بھجوایا، ملزمان کے خلاف قانون کے مطابق کارروائی ہوگی۔

عطا تارڑ نے گزشتہ روز لاہور ہائیکورٹ سے رجوع کرتے ہوئے کہا تھا کہ پولیس ان کے خلاف کارروائیاں کررہی ہے، جس پر جسٹس صفدرسلیم شاہد نے لیگی رہنماؤں رانا مشہود، عطا تارڑ اورملک احمد خان کو ہراساں کرنے سے روکتے ہوئے آئندہ سماعت پر آئی جی پنجاب سے جواب طلب کیا ہے۔

pti

Attaullah Tarrar

Comments are closed on this story.