اداکارہ عالیہ بھٹ ان دنوں اپنی فلم برہماسترا کی تشہیر میں مصروف ہیں تاہم اداکارہ نے آج اپنی تصویر شیئر کرکے مداحوں کو سوچ میں مبتلاکردیا ۔

عالیہ بھٹ اور رنبیر کپور نے رواں برس اپریل میں شادی کی تھی اور دونوں نے دو ماہ قبل جون میں بتایا تھا کہ ان کے ہاں بچے کی پیدائش متوقع ہے۔

اداکارہ عالیہ بھٹ نے آج انسٹاگرام پر اپنی دو تصاویر پوسٹ کیں جس میں ان کا بیبی بمپ بھی نظر آرہا ہے لیکن اس پوسٹ سے مداحوں کو حیران اس وقت ہوئے جب انہوں نے پوسٹ کا کیپشن پڑھا ۔

عالیہ بھٹ نے ان تصویروں کو شیئر کرتے ہوئے لکھا کہ ’ دو ہفتوں میں روشنی آنے والی ہے’۔

دراصل وہ اس کیپشن میں اپنی آئندہ فلم ’ برہماسترا ’ کے بارے میں بات کر رہی ہیں۔

اس فلم میں وہ اپنے شوہر رنبیر کپور کے ساتھ نظر آنے والی ہیں اور یہ فلم 9 ستمبر کو ریلیز ہونے والی ہے۔

فلم کی مرکزی کاسٹ میں عالیہ بھٹ، رنبیرکپور،امیتابھ بچن، اکنینی ناگ ارجن ،مونی رائے سمیت دیگرشامل ہیں۔

برہماسترا کی ہدایتکاری آیان مکرجی کی ہے اور اسے کرن جوہرنے پروڈیوس کیا ہے۔