Aaj News

عمران خان کو سندھ چندے اور ووٹ کے وقت یاد آتا ہے: شرجیل میمن

عمران خان نے خیبرپختونخوا کے لوگوں کو دہشتگردوں کے حوالے کردیا
شائع 14 اکتوبر 2022 11:57pm
<p>رہنما پیپلز پارٹی شرجیل میمن۔ فوٹو — فائل</p>

رہنما پیپلز پارٹی شرجیل میمن۔ فوٹو — فائل

رہنما پیپلز پارٹی اور صوبائی وزیر اطلاعات شرجیل انعام میمن کا کہنا ہے کہ کراچی کی عوام نے عمران خان کو آج مسترد کردیا ہے ۔

چیئرمین پی ٹی آئی عمران خان کے کراچی جلسے سے خطاب پر رد عمل میں شرجیل میمن نے کہا کہ عمران کا آج کراچی جلسہ ناکام رہا، انہیں سندھ چندے اور ووٹ کے وقت یاد آتا ہے۔

شرجیل میمن نے کہا کہ عمران خان نے اپنے دور میں کراچی کو نظر انداز کیا، اسی لئے کراچی کی عوام نے انہیں آج مسترد کردیا ہے۔

پی پی رہنما نے سابق وزیراعظم پر تنقید کرتے ہوئے مزید کہا کہ عمران خان نے خیبرپختونخوا کے لوگوں کو دہشتگردوں کے حوالے کردیا، گزشتہ 9 سال سے ان کی صوبے میں حکومت ہے مگر سوات و دیگر علاقوں میں طالبان کا راج ہے۔

karachi

imran khan

KPK

Sharjeel Memon

PTI jalsa

politics Oct 15

Comments are closed on this story.