پاکستان کے معروف اداکار فرحان سعید کی فلم ٹِچ بٹن کا نیا گانا احسان ہے تمہارا ریلیز کردیا گیا ہے۔

گانے کو معروف گلوکار فرحان سعید نے گنگنایا ہے جبکہ اُن کا ساتھ بھارتی نژاد کینیڈین گلوکار جونیتا گاندھی نے دیا ہے۔

ٹچ بٹن کا ٹریلرحال ہی میں ریلیز کرتے ہوئے فلم 11 نومبرکو ریلیز کیے جانے کا اعلان کیا گیا ہے، بطورپروڈیوسریہ عروہ حسین کی پہلی فلم ہے جبکہ ہدایات قاسم علی مرید کی ہیں۔

مرکزی کاسٹ میں فرحان سعید، سونیا حسین ، فیروز خان اور ایمان علی شامل ہیں۔

دوسری جانب فلم کی ہیروئن اداکارہ سونیا حسین نے معاوضے کی عدم ادائیگی کا الزام عائد کرتے ہوئے فلم ”ٹچ بٹن“ کی پروڈیوسر عروہ حسین کو 50 لاکھ روپے ہرجانے کا نوٹس بھجوادیا۔

ہرجانے کے نوٹس کے مطابق اداکارہ کا موقف ہے کہ عروہ نے انہیں فلم کی شوٹنگ ختم ہوتے ہی معاوضے کی ادائیگی کی یقین دہانی کروائی تھی لیکن ایسا نہیں کیا گیا۔