Aaj News

جمعہ, مارچ 29, 2024  
18 Ramadan 1445  

بلدیاتی انتخابات سے قبل تقرریاں: سندھ حکومت نے عدالتی فیصلے پرعملدرآمد شروع کردیا

ہائیکورٹ نے خلاف ضابطہ تقرریوں ،تبادلوں کا فیصلہ واپس لینے کا حکم دیا تھا
شائع 04 جنوری 2023 02:20pm

سندھ حکومت کی جانب سے بلدیاتی انتخابات سے قبل سیاسی ایڈمنسٹریٹرزکی تعیناتی کے معاملے سے متعلق عدالتی فیصلے پرعملدرآمد شروع کردیا گیا۔

سندھ ہائی کورٹ نے آج پی ٹی آئی رہنماؤں اورشہری خادم حسین کی درخواستوں کی سماعت کے دوران قراردیا تھا کہ الیکشن شیڈول جاری ہونے کے بعد تقرریاں غیرقانونی ہیں۔

عدالت نے بلدیاتی انتخابات سے قبل سیاسی ایڈمنسٹریٹرزکی تعیناتی کے معاملے پر الیکشن شیڈول جاری ہونے کے بعد تمام تقرریوں اورتبادلوں کاجائزہ لینےکاحکم دیتے ہوئے کہا کہ خلاف ضابطہ تقرریوں اور تبادلوں کا فیصلہ واپس لیا جائے۔

سندھ میں بلدیاتی انتخابات سے قبل خلاف ضابطہ تقرریوں وتبادلوں کا فیصلہ واپس لینے کا حکم

اس سماعت کے کچھ دیر بعد ہی خبرسامنے آئی ہے کہ محکمہ بلدیات سندھ نے ایڈمنسٹریٹر ڈی ایم سی ایسٹ کا تقرر غیرقانونی قرار دیتے ہوئے اعلامیہ جاری کردیا ہے۔

شکیل احمد کی تعیناتی کا نوٹی فکیشن منسوخ کرنے کے علاوہ ایڈمنسٹریٹر کورنگی محمد شریف کی تعیناتی کا نوٹیفکیشن بھی منسوخ کردیا گیا۔

اس کے علاوہ ایڈمنسٹریٹر ضلع کونسل حیدرآباد محمد فاروق بھی عہدے سے فارغ کر دیے گئے ہیں۔

Sindh High Court

Sindh Local Government Department

Comments are closed on this story.

تبصرے

تبولا

Taboola ads will show in this div