Aaj News

جمعرات, اپريل 18, 2024  
09 Shawwal 1445  

عمران خان کے چار، پانچ قریبی لوگوں میں سے ایک پکڑا گیا، پہلے پکڑا جاتا تو کام ٹھیک رہتا، پرویز الٰہی

الیکشن ہم نے پی ٹی آئی کے شانہ بشانہ ہو کر لڑنا ہے، رہنما ق لیگ
شائع 26 جنوری 2023 08:25pm
فوٹو — اسکرین گریب
فوٹو — اسکرین گریب

سابق وزیراعلیٰ پنجاب چوہدری پرویز الٰہی کا کہنا ہے کہ عمران خان کے چار، پنچ قریبی لوگوں میں سے ایک پکڑا گیا ہے، اگر پہلے پکڑا جاتا تو کام ٹھیک رہتا۔

لاہور میں ایک تقریب سے خطاب کرتے ہوئے پرویز الٰہی نے کہا کہ کہ پی ٹی آئی والوں کو بہت سمجھایا کہ ابھی کام کرنے دو اسمبلی مت توڑو مگر میری ایک نہیں مانی گئی، ہم ایک سال اور کام کرتے تو یہاں ن لیگ کے کپڑے تک نہ ملتے۔

فواد چوہدری کی گرفتاری پر پرویز الٰہی کا کہنا تھا کہ خان صاحب کے قریب موجود لوگوں نے ہی پارٹی کی جڑ کاٹی، چار پانچ قریبی لوگوں میں سے ایک پکڑا گیا ہے، پہلے پکڑا جاتا تو کام ٹھیک رہتا۔

نگراں وزیراعلیٰ پنجاب سے متعلق ان کا کہنا تھا کہ محسن نقوی کا کام صرف انتخابات کروانا ہے، ان کی نوکری دو سے ڈھائی ماہ کی ہے، لہٰذا یہ ایسا کام کریں جو لوگ یاد رکھیں، انہیں انتقامی کارروائیوں سے گریز اور اپنے لوگوں میں عزت بنانا چاہئے۔

پرویز الٰہی نے کہا کہ عدلیہ آزاد ہے، ہمیں یقین عدلیہ سے انصاف ملے گا، لیگی لیڈر نے سپریم کورٹ جج کے خلاف بک بک کی، لیگی ارکان کون ہوتے ہیں جج کے خلاف بک بک کرنے والے۔

سابق وزیراعلیٰ کآ آئندہ انتخابات پر کہنا تھا کہ الیکشن ہم نے پی ٹی آئی کے شانہ بشانہ ہو کر لڑنا ہے، ہم سب عمران خان کے ساتھ کھڑے ہیں،گھبرانے والے نہیں۔

pti

imran khan

lahore

Chaudhry Pervaiz Elahi

general elections

Fawad Chaudhary

Comments are closed on this story.

تبصرے

تبولا

Taboola ads will show in this div