چیئرمین جوائنٹ چیفس آف اسٹاف کمیٹی (سی جے سی اے سی) جنرل ساحر شمشاد مرزا سرکاری دورے پر سعودی عرب پہنچ گئے۔

سعودی وزارت دفاع کے ہیڈ کوارٹر پہنچنے پرجنرل ساحر شمشاد مرزا کو سلامی دی گئی۔

جنرل ساحر شمشاد مرزا کی سعودی فوج کے چیف آف اسٹاف جنرل فیاض الرویلی سے ملاقات ہوئی۔

دونوں برادر ملکوں کے درمیان دوطرفہ تعلقات کے استحکام، عسکری اور دفاعی شعبوں میں تعاون کے فروغ کا عزم ظاہر کیا گیا۔

جنرل ساحر شمشاد نے سعودی معاون وزیر دفاع انجنیئر طلال العتیبی سے بھی ملاقات کی، جس میں دفاعی تعاون بڑھانے سمیت دیگر امور پر تبادلہ خیال کیا گیا۔