حساس ادارے کے اہلکاروں کے قتل میں ملوث دہشتگرد عمرنیازی کی نماز جنازہ میں کوئی شریک نہ ہوا۔

ضلع کرم سے زخمی حالت میں گرفتار کیا جانے والا دہشت گرد گزشتہ روز چل بسا تھا۔

سیاسی تجزیہ کار عمار مسعود نے اپنی ٹویٹ میں عمرنیازی کی نمازجنازہ کی ادائیگی کے دوران بنائی جانے والی ویڈیو شیئرکی ۔

رات کے اندھیرے میں پڑھائی جانے والی اس نماز جنازہ میں گنتی کے 4 افراد شریک ہیں۔

واضح رہے کہ فورسز نے عمر نیازی کو زخمی حالت میں گرفتار کیا تھا جس کے بعد اسے اسپتال منتقل کیا گیا تاہم وہ کچھ دیر زیرعلاج رہنے کے بعد چل بسا۔

ملزم نے ڈائریکٹر نوید اور انسپکٹر ناصر کو شہید کیا تھا۔