محکمہ موسمیات نے انتیس مارچ سے کراچی سمیت سندھ بھرکے مختلف اضلاع میں بارش کی پیشگوئی کردی۔

محکمہ موسمیات کے مطابق 28 مارچ سے ملک میں مغربی ہواؤں کے تازہ سلسلے کی آمد سے 29 سے 30 مارچ کو سندھ بھر میں بارشوں کا امکان ہے۔

جیکب آباد، شکارپور، دادو، سکھر، خیر پور میں تیز تا درمیانی شدت کی بارش کا امکان ہے۔ جبکہ میرپور، سجاول، حیدرآباد، کراچی و دیگر میں درمیانی تا ہلکی شدت کی بارش کا امکان ہے۔

اس دوران گرج چمک کے ساتھ تیز آندھی بھی چل سکتی ہے، جبکہ کچھ علاقوں میں ژالہ باری بھی متوقع ہے۔