امریکی ریاست الاباما میں سالگرہ کی تقریب میں فائرنگ سے مقامی ہائی اسکول کے فٹبال کھلاڑی سمیت 4 افراد ہلاک اور 28 زخمی ہوگئے۔

پولیس کے مطابق فائرنگ کا واقعہ الاباما کے چھوٹے سے قصبے ڈیویل میں نوعمر لڑکی کی سالگرہ تقریب کے دوران پیش آیا۔

مرنے والوں میں بہن کی 16ویں سالگرہ منانے والا بھائی بھی شامل ہے جبکہ مرنے اور زخمی ہونے والوں میں زیادہ تر نوجوان شامل ہیں۔

حکام کے مطابق فائرنگ ایک نامعلوم شخص کی جانب سے کی گئی واقعے میں تاحال کوئی مشتبہ شخص گرفتار یا ہلاک نہیں ہوا اور نہ ہی ہلاک ہونے والوں کے نام بتائے گئے ہیں۔

پولیس حکام کے مطابق واقعے سے متعلق تفتیش کی جارہی ہے تاکہ متاثرہ خاندانوں کو انصاف فراہم کیا جاسکے۔