پاکستان کرکٹ ٹیم کے فاسٹ بولر احسان عادل اور آل راؤنڈر حماد اعظم نے ریٹائرمنٹ کا اعلان کردیا۔

پاکستان کی جانب سے 11 ایک روزہ اور 5 ٹی ٹوینٹی میچز میں نمائندگی کرنے والے 32 سالہ مڈل آرڈر بلے باز حماد اعظم نے ریٹائرمنٹ کا اعلان کردیا ہے۔

حماد اعظم نے 11 ایک روزہ میچز کی 7 اننگز میں صرف 80 رنز بنائے، اور 2 وکٹیں حاصل کیں، جب کہ 5 ٹی ٹوینٹی میچز کی 4 اننگز 34 رنز بنارکھے ہیں۔

دوسری جانب 15 مارچ 1993 کو گوجرہ میں پیدا ہونے والے پاکستان کرکٹ ٹیم کے فاسٹ بولر احسان عادل نے بھی صرف 30 سال کی عمر میں ریٹائرمنٹ کا اعلان کردیا ہے۔

احسان عادل نے صرف 3 ٹیسٹ میچز میں پاکستان کی نمائندگی کی، اور 5 وکٹیں حاصل کیں، جب کہ 6 ون ڈے انٹرنیشنل میچز میں 4 وکٹیں ہی بٹور سکے۔

پاکستان کرکٹ بورڈ (PCB) کی جانب سے دونوں کرکٹرز کے لیے نیک تمناؤں کا اظہار کیا گیا ہے۔