سیریز کے دوسرے ون ڈے انٹرنیشنل میں افغانستان نے پاکستان کے خلاف ٹاس جیت کر پہلے بیٹنگ کرنے کا فیصلہ کرلیا ہے۔

ہمبنٹوٹا میں ہونے والے سیریز کے دوسرے میچ میں افغان ٹیم کے کپتان حشمت اللہ شاہدی ٹاس جیت کر پہلے بیٹنگ کرنے کا فیصلہ کیا ہے۔

حشمت اللہ شاہدی نے کہا کہ پاکستان کے خلاف اچھی کارکرگی دیکھانا چاہتے ہیں اور ٹیم میں دو تبدیلیاں کی گئی ہیں۔

دونوں ٹیمیں ایشیاکپ اور ورلڈکپ جیسے میگا ایونٹس کی تیاریوں کے سلسلے میں سیریز کھیل رہی ہیں۔

تینوں میچز کی میزبانی افغان بورڈ سری لنکا میں کررہا ہے۔

پہلے ون ڈے میں ریٹائر ہرٹ ہونے والے رحمت شاہ اور عظمت اللہ عمرزئی سیریز سے باہر ہوگئےتھے، ان کی جگہ ریاض حسن اور شاہد کمال کو پلئینگ الیون کا حصہ بنایا۔

دوسری جانب قومی ٹیم کے کپتان بابراعظم نے کہا کہ ٹیم میں کوئی تبدیلی نہیں کی گئی، کوشش ہوگی میچ میں کامیابی سمیٹ کر سیریز اپنے نام کریں۔

واضح رہے کہ سیریز کے پہلے میچ میں پاکستان نے افغان ٹیم کو 142 رنز کے بڑے مارجن سے زیر کیا تھا۔