Aaj News

ہفتہ, اپريل 13, 2024  
04 Shawwal 1445  

عدالت نے کیس کی رپورٹ پیش نہ کرنے پر اسسٹنٹ ڈائریکٹر ایف آئی اے کو جھاڑ پلا دی

کیا آپ لوگوں نے وقت ضائع کرنےکی عادت بنا لی ہے، عدالت کا ایف آئی اے حکام سے مکالمہ
شائع 06 نومبر 2023 12:45pm

سندھ ہائی کورٹ نے رپورٹ پیش نہ کرنے پر اسسٹنٹ ڈائریکٹر ایف آئی اے کو جھاڑ پلا دی اور ریمارکس میں کہا کہ کیا آپ لوگوں نے وقت ضائع کرنےکی عادت بنا لی ہے۔

سندھ ہائیکورٹ میں پاکستان پیٹرولیم لمیٹڈ کے خلاف انکوائری کیس کی سماعت ہوئی، جسٹس امجد ستہو نے کیس کی سماعت کی۔

سماعت کے دوران عدالت نے اسسٹنٹ ڈائریکٹر ایف آئی اے کو جھاڑ پلا دی، اور ریمارکس دیتے ہوئے کہا کہ کیا آپ لوگوں نے وقت ضائع کرنے کی عادت بنا لی ہے، جب آج کا نوٹس کیا تھا تو کوئی رپورٹ پیش کیوں نہیں کی جاسکی۔

عدالت نے ایف آئی اے حکام سے مکالمہ کرتے ہوئے کہا کہ جس کے خلاف انکوائری ہے وہ عدالت آگئے اور آپ خالی ہاتھ آئے ہیں، کوئی ایسا ادارہ ہے جو عوام کو تنگ نہ کرتا ہو؟ جس کے خلاف انکوائری کی ہے اس کے خلاف کچھ نہ کچھ مواد تو جمع کیا ہوگا۔

عدالت کے استفسار پر ایف آئی اے افسر جواب دینے سے قاصر رہے۔ جس پر عدالت نے حکم دیا کہ آئندہ سماعت پر ضرورانکوائری کے حوالے سے رپورٹ پیش کی جائے۔

پاکستان پیٹرولیم کے وکیل نے استدعا کیا کہ ایف آئی اے کو ہدایت کریں کہ 3 کے بجائے ایک انکوائری کر لی جائے۔ جس پر عدالت نے ریمارکس دیئے کہ ایسا حکم ہم نہیں دے سکتے۔ معاملہ تو ابھی ابتدائی مراحل میں ہے۔

عدالت نے کیس کی سماعت2 ہفتوں کے لیے ملتوی کردی۔

FIA

Sindh High Court

Pakistan Petroleum

Comments are closed on this story.

تبصرے

تبولا

Taboola ads will show in this div