پاکستان کے معروف تھیٹر ایکٹراورکامیڈین نسیم وکی نے بھارت میں کمائے جانے والے معاوضہ سے متعلق حیر انگیز انکشاف کیا ہے، انہوں نے اپنے کیرئیر پر بھی کھل کر گفتگو کی۔

نسیم وکی نے حافظ احمد کے پوڈکاسٹ شو میں شرکت کرتے ہوئے اپنے کیرئیر کے مختلف تجربات کا تذکرہ کیا۔

انٹرویو کے دوران انہوں نے نہ صرف اپنے کامیڈی کیرئیر بلکہ سرحد پار کام کرنے سے متعلق بھی کئی اہم انکشافات کیے ہیں۔

نسیم وکی کو بھارت کے سب سے دیکھے جانے والے کامیڈی شو ’دی کپل شرما شو‘ کا حصہ رہنے کا اعزازحاصل ہے۔

مزید پڑھیں:

فلم دیکھیں، اپنی اور دوسروں کی زندگیوں کو خطرے میں نہ ڈالیں

پاکستان کی واحد اداکارہ جو شاہ رخ خان کو نہ پہچان سکیں

اپنا پسندیدہ کھانا بتانے والے یووراج سنگھ کی ویڈیو غلط وجوہات پر وائرل

میزبان کی جانب سے جب نسیم وکی سے شو میں تجربے سے متعلق سوال کیا گیا تو انہوں نے کہا کہ ’دی کپل شرما شو کو ہم نے زیروسے شروع کیا تھا، اب وہ بہت کامیاب جا رہا ہے ۔ مجھے پاکستان اور بھارت کے درمیان سیاسی تناؤ کی وجہ سے شو کو چھوڑنا پڑا‘۔

میزبان نے جب اس شو سے ملنے والے معاوضے کے بارے میں سوال کیا تو انہوں نے کہا کہ ’مجھے فی قسط 4 سے 5 لاکھ بھارتی روپے ملتے تھے جو پاکستانی روپوں میں میں دُگنا معاوضہ ہے‘۔

نسیم وکی نے مزید کہا کہ شو میں بالی ووڈ ستارے مفت آتے ہیں کیونکہ وہ اپنے ملک کے کام کو فروغ کرنا چاہتے ہیں۔

نسیم وکی نے اپنے اور کپل شرما کے درمیان تنازع پر وضاحت کرتے ہوئے کہا کہ ’بہت سے یوٹیوبرز نے انٹرویو میں کہے گئے میرے الفاظ کو غلط انداز میں توڑ مروڑ کر پیش کیا ہے تاکہ ایسا لگ سکے کہ میں کپل شرما کے خلاف بول رہا ہوں‘۔

انہوں نے مزید کہا کہ ان کے اور کپل شرما کے کچھ باہمی دوستوں نے وہ کلپس کپل شرما کو بھیجے تاکہ وہ مجھ سے ناراض ہوں۔

جس کے بعد نسیم وکی نے کپل شرما سے گفتگو کرتے ہوئے تمام تحفظات کو دور کردیا تھا۔

نسیم وکی نے شو کے دوران بالی ووڈ اداکار شاہ رخ خان سے ملاقات کے تجربے پر روشنی ڈالتے ہوئے کہا کہ ’ایک دفعہ شاہ رخ خان مجھ سے ملنے آئے، جب انہیں معلوم ہوا کہ میں پاکستان سے ہوں تو انہوں نے میرے ساتھ تقریباً ایک گھنٹہ گزارا‘۔

نسیم وکی کو پاکستان کا نامور تھیٹر اداکار کہا جاتا ہے۔ ان کا شمار اس وقت ملک کے سب سے معروف کامیڈینز میں ہوتا ہے۔