دفترخارجہ کا کہنا ہے کہ اسرائیلی جنگی جرائم پر انصاف کے عالمی اداروں کو متحرک ہونا ہوگا، اسپتالوں پر حملے انسانی و جنگی قوانین کی سنگین خلاف ورزی ہے۔

اپنی ہفتہ واربریفنگ میں ترجمان دفترخارجہ ممتاز زہرہ کا کہنا تھا کہ غزہ میں اسرائیلی جارحیت جاری ہے، اسرائیلی فوج نہتے فلسطینی عوام پر مظالم ڈھا رہی ہے، اسپتالوں پر حملے انسانی و جنگی قوانین کی سنگین خلاف ورزی ہے۔

ترجمان دفترخارجہ نے کہا کہ نگراں وزیراعظم انوار الحق کاکڑ نے اسرائیلی جارحیت و بربریت کی شدید مذمت کی ہے اور فلسطین کی مکمل حمایت کا اعادہ کیا ہے۔

ممتاز زہرہ بلوچ کا کہنا تھا کہ اسرائیل عام شہریوں اور عمارتوں کو نشانہ بنا رہا ہے، اسپتالوں پر حملے انسانی و جنگی قوانین کی سنگین خلاف ورزی ہے، اسرائیلی جنگی جرائم پر انصاف کے عالمی اداروں کو متحرک ہونا ہوگا۔