Aaj News

پیر, مارچ 04, 2024  
22 Shaban 1445  

توشہ خانہ کیس: نیب نے بشریٰ بی بی کو آخری موقع دے دیا

نیب کی جانب سے عمران خان کی اہلیہ کو فائنل کال اپ نوٹس جاری کردیا گیا
اپ ڈیٹ 08 دسمبر 2023 07:10pm
سابق خاتون اول بشریٰ بی بی۔ فوٹو — فائل
سابق خاتون اول بشریٰ بی بی۔ فوٹو — فائل

توشہ خانہ کیس میں قومی احتساب بیورو (نیب) نے سابق چیئرمین پی ٹی آئی عمران خان کی اہلیہ بشریٰ بی بی کو پیشی کے لیے آخری موقع دے دیا۔

توشہ خانہ تحائف کی غیر قانونی فروخت پر قومی احتساب بیورو کی تحقیقات جاری ہیں، نیب نے سابق وزیر اعظم اور ان کی اہلیہ بشریٰ بی بی کو ایک بار پھر طلب کرلیا۔

نیب کی جانب سے بشریٰ بی بی کو فائنل کال اپ نوٹس جاری کرتے ہوئے 11 دسمبر کو میلوڈی آفس اسلام آباد میں طلب کیا گیا، نوٹس کے مطابق بشریٰ بی بی کو صبح 10 بجے پیش ہونے کا کہا گیا۔

نوٹس کے مطابق بانی چیئرمین پی ٹی آئی جب وزیراعظم تھے تو آپ کو غیر ملکی معززین سے تحائف ملے، آپ کو غیر ملکی معززین نے تحائف لاکھوں مالیت کے دیے۔

نوٹس میں مزید بتایا گیا کہ آپ نے 2019 میں ایک لاکٹ، کانوں کی بالیاں، بریسلیٹ وصول کیا، پھر 2020 میں نیکلس، بریسلیٹ، انگوٹھی اور کانوں کی بالیاں وصول کیں، اسی طرح 2021 میں بھی نیکلیس، کانوں کی بالیاں، انگوٹھی اور گھڑی وصول کی۔

مزید پڑھیں

توشہ خانہ کیس: الیکشن کمیشن نے دلائل کی تیاری کیلئے دو ہفتوں مہلت مانگ لی

توشہ خانہ کیس میں چیئرمین پی ٹی آئی کی درخواست ضمانت بحال

NAB

اسلام آباد

imran khan

bushra bibi

Toshakhana

tosha khana case

Tosha Khana Criminal Proceedings Case

Toshakhana Criminal Case

Comments are closed on this story.

تبصرے

تبولا

Taboola ads will show in this div