مسلم لیگ (ن) کی جانب سے قومی و صوبائی اسمبلیوں کے امیدواروں کو پارٹی ٹکٹیں دینے کی تجاویز پر غور جاری ہے، لاہور میں مرکزی پارلیمانی بورڈ کے اجلاس میں نواز شریف نے بہاولپور ڈویژن سے امیدواروں کے انٹرویوز کیے اور کہا کہ 8 فروری کو ہونے والا الیکشن عوام کی زندگیوں میں بہتری لائے گا۔

مسلم لیگ (ن) کے پارلیمانی بورڈ کے 11ویں اجلاس میں بہاولپور ڈویژن سے قومی و صوبائی اسمبلی کے لئے ٹکٹ کے خواہشمند امیدواروں کے انٹرویو کیے گئے۔

مسلم لیگ (ن) کے پارلیمانی بورڈ کا 11 واں اجلاس پارٹی سیکرٹریٹ ماڈل ٹاؤن میں ہوا جس کی صدارت نواز شریف اور پارٹی صدر شہباز شریف نے مشترکہ طور پر کی۔

اجلاس میں پارٹی چیف ارگنائزرمریم نواز ، سیکرٹری جنرل احسن اقبال، اسحاق ڈار اوررانا ثناء اللہ سمیت دیگر سینئر رہنما شریک ہوئے۔

مسلم لیگ (ن) کے قائد نواز شریف نے بہاولپور ڈویژن کے 3 اضلاع بہاولنگر، بہاولپور اور رحیم یار خان کے امیدواروں کے انٹرویوز کیے۔

اجلاس میں بہاولپور ڈویژن سے قومی اسمبلی کی 15 اور پنجاب اسمبلی کی 31 نشستوں کے لیے انٹرویو کیے گئے۔

ذرائع کے مطابق بہاولپور میں مسلم لیگ (ق) کے ساتھ ممکنہ سیٹ ایڈجسٹمنٹ کے تحت لیگی و اتحادی امیدواروں کے ناموں پر بھی غور کیا گیا۔

اس موقع پر نوازشریف کا کہنا تھا کہ 8 فروری کو ہونے والا الیکشن عوام کی زندگیوں میں بہتری لائے گا۔

مسلم لیگ (ن) کے قائد نواز شریف کا دورہ سندھ تاحال فائنل نہ ہوسکا

دوسری جانب مسلم لیگ (ن) کے قائد نواز شریف کا دورہ سندھ تاحال فائنل نہ ہوسکا، سابق وزیراعظم نے سندھ کی ٹکٹوں پر پارٹی قیادت اور امیدواروں کو 18 دسمبر کو لاہور طلب کرلیا۔

پارٹی ذرائع کے مطابق شریف خاندان کی جانب سے کراچی اور سنیٹرل پنجاب سے انتخاب میں حصہ لیا جائے گا، 18 دسمبر کو ہونے والے اجلاس میں شہباز شریف،مریم نواز کو کراچی سے الیکشن لڑانے کی تجویز پر فیصلہ بھی کیا جائے گا۔

لاہور کے امیدواروں کے انٹرویو بھی 22 دسمبر کو فائنل کرنے کا فیصلہ کیا جائے گا۔

مزید پڑھیں

ن لیگ پارلیمانی بورڈ کا اجلاس: گوجرانوالہ ڈویژن کے امیدواروں کے انٹرویوز کیے گئے

سردار مہتاب عباسی نے ن لیگ کو خیرباد کہہ دیا، آزاد حیثیت میں الیکشن لڑنے کا فیصلہ

لاہور کے امیدواروں کے پہلے شیڈول کے مطابق انٹرویوآج ہونے تھے جبکہ نواز شریف انتخابی سیٹ ایڈجسمنٹ سے قبل امیدواروں کی ٹکٹوں کا فیصلہ کریں گے۔