الیکشن کمیشن نے آج نیوز کی خبر پر ڈی ایس پی اوکاڑہ کی سیاسی جلسے میں شرکت کا نوٹس لے لیا۔

الیکشن کمیشن کا کہنا ہے کہ وردی پہن کر کس طرح سیاسی جلسے میں شرکت کی گئی۔

الیکشن کمیشن نے ڈی ایس پی اوکاڑہ کو 26 دسمبرکو طلب کرلیا ہے۔

یاد رہے کہ اوکاڑہ میں قائد مسلم لیگ (ن) نوازشریف کی 74 ویں سالگرہ کی تقریب منقعد ہوئی، جہاں نواز شریف کی سالگرہ کی تقریب کا کیک کاٹا گیا۔ ڈی ایس پی نے بھی سالگرہ کی تقریب میں شرکت کی تھی۔

تقریب کے دوران دیکھا گیا کہ ڈی ایس پی سٹی سرکل مہر یوسف نے سیاسی پروگرام میں خصوصی طور پر شرکت کی ، انھوں نے سالگرہ کا کیک خود کاٹا۔

سیاسی تقریب میں ڈی ایس پی سٹی نے یونیفارم میں شرکت کرکے سیاسی جماعت کے ساتھ وابستگی کا کھلم کھلا اظہار کیا تھا۔

سول سوسائٹی کی جانب سے ڈی ایس پی سٹی کی شرکت پرنوٹس لینے کا مطالبہ کیا گیا تھا۔ جس کے بعد الیکشن کمیشن نے ڈی ایس پی اوکاڑہ کو 26 دسمبرکو طلب کرلیا ہے۔