پاکستان شوبز انڈسٹری کی خوبرو اداکارہ ماہرہ خان کی تقریب میں بولڈ ڈریس میں شرکت ان کو مہنگی پڑگئی۔

ماہرہ خان ان دِنوں سعودی عرب میں موجود ہیں جہاں وہ فلموں سے متعلق چند تقریبات میں شرکت کر رہی ہیں۔

اداکارہ نے گزشتہ روز سعودی عرب میں ہونے والی ایک ایوارڈز نائٹ کی تقریب میں بھی شرکت کی۔ تقریب میں اداکارہ نے ایک بولڈ ڈریس زیب تن کیا تھا جو ان کے مداحوں کو بالکل بھی نہ بھایا۔

سوشل میڈیا پر ایک ویڈیو وائرل ہورہی ہے جس میں ماہرہ خان کو اسی سیاہ رنگ کے بولڈ ڈریس میں گفتگو کرتے ہوئے دیکھا جاسکتا ہے۔

ماہرہ خان کا بغیر آستین کا یہ سیاہ لباس مداحوں کو بالکل پسند نہ آیا۔ صارفین نے ویڈیو پر تبصرہ کرتے ہوئے اداکارہ کو کڑی تنقید کا نشانہ بنادیا۔

ایک صارف نے لکھا کہ ’یہ خود کی نمائندگی کر رہی ہیں یا پاکستان کی؟‘

ایک صارف نے ان کو تنقید کا نشانہ بناتے ہوئے لکھا کہ ’انڈیا کی کاپی میں کچھ بھی کر جاتی ہیں‘۔

ایک صارف نے ان کے وزن پر تنقید کر ڈالی۔

ایک صارف ان کے اس بولڈ ڈریس سے کافی حیران دِکھائی دے رہے ہیں۔

ایک صارف نے لکھا کہ ’آپ کو شرم آنی چاہئے‘۔

ایک صارف نے ان کے اس انداز پر مایوسی کا اظہار بھی کیا۔

ماہرہ خان حال ہی میں بزنس ٹائیکون سلیم کریم سے رشتہ ازدواج میں بندھی ہیں۔ اداکارہ کی شادی کی مختلف تقریبات سے تصاویر سوشل میڈیا پر کافی وائرل ہوئی تھیں۔