پاکستان شوبز انڈسٹری کی خوبرو اداکارہ سجل علی نے خود سے جُڑی ایک دلچسپ حقیقت مداحوں کو بتائی ہے۔

سوشل میڈیا پر سجل علی کا ایک ویڈیو کلپ وائرل ہورہا ہے ۔

یہ وائرل کلپ ایک پروگرام کا ہے جس میں مدعو کی جانے والی سجل علی نے مختلف موضوعات پر گفتگو کی۔

میزبان کی جانب سے کمزور اور سہمے ہوئے کردار ادا کرنے کے سوال پر سجل علی نے کہا کہ ’میں کافی حساس نیچر کی ہوں لیکن اب وقت کے ساتھ ایک لیئر ضرور آگئی ہے۔ لوگوں کو دیکھنے میں لگتا ہے کہ میں مضبوط کردار کی مالک ہوں‘۔

نوجوان اداکارہ نے مزید کہا کہ ’لیکن اگر میں نے اپنے اندرحساسیت کو مار دیا تو میں اداکاری نہیں کرسکتی۔ وہ میں کبھی مرنے دے بھی نہیں سکتی میں، میرے اندر جذبات تو بھرے پڑے ہیں‘۔

سجل علی نے خود پر فخر کرتے ہوئے کہا کہ ’میں ہر طرح کا جذبہ رکھتی ہوں اور مجھے اس پر بہت زیادہ فخر ہے‘۔