عوامی نیشنل پارٹی کے صوبائی صدر ایمل ولی خان کا کہنا ہے کہ ایم کیو ایم سے اتحاد صرف الیکشن تک ہے۔

آج نیوز کی خصوصی الیکشن ٹرانسمیشن میں گفتگو کرتے ہوئے ایمل ولی خان نے کہا کہ پی ٹی آئی کا وجود نہ تھا نہ ہے، تحریک انصاف کی کوئی بنیاد یا نظریہ نہیں۔

ان کا کہنا تھا کہ اےاین پی انتہا پسند جماعت نہیں، اے این پی خواتین کوٹکٹ جاری کرتی ہے۔

آج نیوز کے ساتھ گفتگو کرتے ہوئے قومی وطن پارٹی کے سربراہ آفتاب شیرپاؤ نے کہا کہ الیکشن کیلئے کبھی انتظامات مکمل درست نہیں ہوتے، چاہتے ہیں کہ امیدوار عوام تک اور عوام بیلٹ بکس تک پہنچے۔

آفتاب شیرپاؤ نے کہا کہ زیادہ تر حملے سیکیورٹی فورسز پر ہورہے ہیں، ہمارے صوبے میں ایک سال سے نگراں حکومت ہے، نگراں حکومت کو امن وامان پر توجہ دینی چاہئے۔

پیپلز پارٹی کے رہنما نادر گبول نے ٹرانسمیشن میں گفتگو کرتے ہوئے کہا کہ لیاری میں سیکیورٹی کے معاملات حساس ہیں، ہمارے لیاری آفس پر فائرنگ بھی ہوئی ہے، مخالفین اپنی ہار دیکھ کر حرکتیں کررہے ہیں، نگراں حکومت سیکیورٹی کے انتظامات بہتر بنائے۔

انہوں نے کہا کہ حساس پولنگ اسٹیشنز پر فوج بھی تعینات ہوگی، پولیس اور رینجرز بھی سیکیورٹی پر ہوں گے۔