چیف الیکشن کمشنر سکندر سلطان راجہ نے چاروں چیف سیکرٹریز اور آئی جیز کو فون کیا ہے اور صوبوں میں سیکیورٹی ہائی الرٹ رکھنے کی ہدایت کی ہے۔ چیف الیکشن کمشنر کی زیر صدارت اسلام آباد میں اہم اجلاس منعقد ہوا ۔ جس میں چیف الیکشن کمشنر نے عام انتخابات کی تیاریوں پر اظہار اطمینان کیا۔

چیف الیکشن کمشنر نے بلوچستان میں دہشتگردی کے واقعات پر دکھ کا اظہار کیا اور ہدایت کی کہ جلد سیکیورٹی اہلکاروں کی تعیناتی مکمل کی جائے۔

دوسری طرف چیف الیکشن کمشنر کی زیر صدارت ہونے والے اجلاس میں ممبران کمیشن و سیکریٹری سمیت دیگر حکام نے شرکت کی۔

اجلاس میں تمام و نگز کے سربراہان نے انتخابی تیاریوں پر بریفنگ دی۔ اور بتایا کہ بیلٹ پیپر سے سمیت تمام انتخابی سامان کی ترسیل کا عمل آج رات تک مکمل کرلیا جائے گا۔

اس موقع پر چیف الیکشن کمشنر نے الیکشن کی تیاریوں پر اظہار اطمینان کرتے ہوئے پولنگ ڈے پر چاروں صوبائی الیکشن کمشنرز کو الرٹ رہنے کی ہدایت بھی کی۔