Aaj News

بدھ, اپريل 24, 2024  
15 Shawwal 1445  

امریکا چین کشیدگی مٹانے میں پاکستان پھر کلیدی کردار کا خواہش مند

دونوں عالمی طاقتیں پاکستان میں سرمایہ کاری بڑھائیں، امریکا میں پاکستانی سفیر مسعود خان
شائع 21 فروری 2024 10:45am

امریکا میں متعین پاکستانی سفیر مسعود خان نے کہا ہے کہ ایک بار پھر پاکستان دو عالمی طاقتوں کو ایک نقطے پر لانے کا ذریعہ ثابت ہوسکتا ہے۔ ان کا کہنا تھا کہ پاکستان کا میدانِ جنگ بننا لازم نہیں۔ ہم دو بڑی طاقتوں کو مذاکرات کی میز پر لاکر بھی انتہائی قابلِ قدر کردار ادا کرسکتے ہیں۔

واشنگٹن میں ایک تھنک ٹینک سے خطاب کرتے ہوئے مسعود خان نے کہا کہ امریکا اور چین کے درمیان بہتر تعلقات کے حوالے سے پاکستان ایک بار پھر کلیدی کردار ادا کرسکتا ہے۔ دونوں عالمی طاقتوں کو پاکستان کے مختلف شعبوں میں وسیع البنیاد سرمایہ کاری کرنی چاہیے۔

مسعود خان کا کہنا تھا کہ پاکستان کو مختلف معاملات میں امریکا کے کلیدی فیصلوں کا انتظار ہے۔ اسٹریٹجک معاملات میں توازن برقرار رکھنے کے حوالے سے امریکی پالیسی پاکستان کے لیے بہت اہم ہے۔

انہوں نے مزید کہا کہ پاکستان کو دہشت گردی کے خاتمے کے حوالے سے ضروری دفاعی ساز و سامان اور سرمایہ کاری کی بحالی کی ضرورت ہے۔

امریکا میں پاکستانی سفیر کا کہنا تھ اکہ امریکا کو دوسرے بہت سے خطوں کی طرف جنوبی ایشیا میں بھی سلامتی کے معاملات بہتر بنانے پر توجہ دینا چاہیے۔ عسکریت پسند گروہوں سے مکمل نجات کے لیے جامع حکمتِ عملی اور موثر اقدامات ناگزیر ہے۔

یاد رہے کہ 1970 کے عشرے میں امریکا اور چین کو قریب لانے میں پاکستان ہی نے کلیدی کردار ادا کیا تھا۔ رچرڈ نکسن کے عہدِ صدارت میں پاکستان کی وساطت سے امریکا اور چین کے درمیان سفارتی رابطے قائم ہوئے اور دونوں طاقتیں ایک دوسرے کے قریب آئیں۔ بدلتی ہوئی علاقائی اور عالمی صورتِ حال میں پاکستان ایک بار پھر دونوں عالمی طاقتوں کے تعلقات میں گرم جوشی پیدا کرنے اور اس گرم جوشی کو اپنے حق میں بھی موثر طور پر بروئے کار لانے میں کلیدی کردار ادا کرسکتا ہے۔

یہ بھی پڑھیں :

اسرائیلی دہشتگردی پر بلایا گیا سلامتی کونسل کا اجلاس ویٹو، چین امریکا پر برہم

مائیکرو سافٹ کے الزامات پر چین کا امریکا کیلئے کڑا ردعمل

جنوبی امریکا ممالک میں ڈالر کے مقابلے میں چین کی کرنسی کا بڑھتا رجحان

china

USA

Masood Khan

FACILITATOR

MORE FINANCING

WARFARE

Comments are closed on this story.

تبصرے

تبولا

Taboola ads will show in this div