خلع کے بعد سابق ٹینس اسٹار ثانیہ مرزا کی کلینیک سے تصویر سوشل میڈیا پر وائرل ہو گئی ہے، جس میں وہ جلد کی ڈاکٹر کے ساتھ موجود ہیں۔

انسٹاگرام پر ثانیہ مرزا کی جانب سے ایک اسٹوری اپلوڈ کی گئی تھی جس میں وہ سر پر سفید ٹوپی اوڑھے اور سفید گاؤن پہنے ہوئے تھیں۔

ثانیہ نے پوسٹ میں لکھا کہ وہ اپنی بہترین دوست ڈاکٹر ریڈمیلا لوکیان کے پاس ہیں، جو ہمیشہ ان کے جلد کے مسائل کو حل کرنے میں مدد کرتی ہیں۔ ساتھ ہی ثانیہ نے دل والا ایموجی بھی استعمال کیا۔

ثانیہ اسکن اسپیشلسٹ کے کلینیک میں موجود تھیں، جہاں وہ اکثر آتی رہتی ہیں۔

واضح رہے شعیب ملک سے ثانیہ مرزا کے رواں سال خلع لینے کی خبر کی تصدیق ہوئی تھی، جس کے بعد ثانیہ اپنے انسٹاگرام پر دلچسپ اور معنی خیز تصاویر اور کیپشنز شئیر کرتی دکھائی دیتی ہیں۔