Aaj News

جمعرات, اپريل 25, 2024  
16 Shawwal 1445  

عمران خان کی 6 اور بشریٰ بی بی کی ایک مقدمے میں ویڈیولنک پر حاضری کا حکم

سپریٹنڈنٹ اڈیالہ جیل ملزمان کی ویڈیو لنک حاضری کو یقینی بنائیں، عدالت
شائع 29 فروری 2024 12:48pm

اسلام آباد کی مقامی عدالت نے پاکستان تحریک انصاف کے سابق چیئرمین عمران خان کی 6 اور ان کی اہلیہ بشریٰ بی بی کی ایک درخواست ضمانت پر ویڈیولنک کے ذریعے حاضری کا حکم دے دیا۔

ڈسٹرکٹ اینڈ سیشن کورٹ اسلام آباد میں سابق وزیر اعظم عمران خان کی 6 اور بشریٰ بی بی کی ایک درخواست ضمانت پر ایڈیشنل ڈسٹرکٹ اینڈ سیشن جج طاہر عباس سپرا نے سماعت کی۔

پی ٹی آئی کے وکلاء خالد یوسف چوہدری، سردار مصروف خان اور بیرسٹر رائے سلمان ،طارق نون عدالت پیش ہوئے۔

دوران سماعت وکلاء نے مؤقف اختیار کیا کہ گزشتہ سماعت پر سابق چیئرمین پی ٹی آئی کی ویڈیو لنک حاضری اور بشریٰ بی بی کی پروڈکشن کے آرڈر ہوئے تھے، استدعا ہے کہ عدالت بانی پی ٹی آئی اور بشری بی بی کی عدالت پیشی سے متعلق احکامات پر عملدرآمد کرائے۔

عدالت نے عمران خان اور بشری بی بی کی ویڈیولنک پر حاضری کرانے کا حکم دے دیا۔

عدالت نے ہدایت کی کہ سپریٹنڈنٹ اڈیالہ جیل ملزمان کی ویڈیو لنک حاضری کو یقینی بنائیں۔

بعدازاں عدالت نے سماعت 6 مارچ تک کے لیے ملتوی کردی۔

مزید پڑھیں

احتجاج اور توڑ پھوڑ کیس: عمران خان، اسد عمر اور فیصل جاوید سمیت دیگر بری

اڈیالہ جیل انتظامیہ کا بشریٰ بی بی کو جیل منتقل کرنے سے انکار

pti

اسلام آباد

imran khan

bushra bibi

district and session court

judge tahir abbas sipra

Comments are closed on this story.

تبصرے

تبولا

Taboola ads will show in this div