Aaj News

بدھ, مئ 29, 2024  
20 Dhul-Qadah 1445  

44 سال بعد تاریخ درست ہونے جا رہی ہے، بلاول کا بھٹو صدارتی ریفرنس فیصلے پر ردعمل

جب تفصیلی فیصلہ آئے گا تو تفصیل سے بات کرسکوں گا، بلاول بھٹو
شائع 06 مارچ 2024 12:05pm

چیئرمین پیپلزپارٹی بلاول بھٹو زرداری نے سپریم کورٹ کے بھٹو صدارتی ریفرنس رائے کو تاریخی قرار دیتے ہوئے کہا کہ 44 سال کے بعد تاریخ درست ہونے جا رہی ہے، غلطیوں کی درستگی سے ہم ترقی کر سکیں گے۔

بھٹو صدارتی ریفرنس کیس کا فیصلہ سنائے جانے کے بعد سپریم کورٹ آف پاکستان کے باہر میڈیا سے گفتگو میں بلاول نے کہا کہ سپریم کورٹ نے سابق وزیراعظم ذوالفقارعلی بھٹو صدارتی ریفرنس پر رائے سنا دی ہے، عدالت عظمیٰ نے قرار دیا ہے کہ بھٹو کو آئین کے مطابق مصنفانہ ٹرائل نہیں ملا اور ان کے خلاف مقدمہ قانون کے مطابق نہیں چلایا گیا۔

انھوں نے کہا کہ جب تفصیلی فیصلہ آئے گا تو تفصیل سے بات کرسکوں گا، عدالت نے مانا ہے کہ شہید بھٹو کو فیئر ٹرائل نہیں ملا۔

ان کا کہنا تھا کہ عدالت نے واضح کہا کہ ماضی کی غلطیوں کو درست کرنے کےلیے فیصلہ سنا رہے ہیں۔

چیئرمین پیپلزپارٹی نے یہ بھی کہا کہ اس فیصلے کے بعد امید رکھتے ہیں ہمارا نظام درست سمت میں چلنا شروع ہوگا، تمام ججز اور وکلا کا شکر گزار ہوں۔

zulfiqar ali bhutto

Bilawal Bhutto Zardari

Zulfiqar Ali Bhutto Reference