پاکستان سپر لیگ (پی ایس ایل) 9 کے 25 ویں میچ میں ایونٹ کی پہلی ہیٹ ٹرک ہوگئی، کوئٹہ گلیڈی ایٹرز کے عقیل حسین نے یہ کارنامہ انجام دیا۔

پنڈی کرکٹ اسٹیڈیم میں کھیلے گئے میچ میں کوئٹہ گلیڈی ایٹرز کے عقیل حسین نے پشاور زلمی کے خلاف ایونٹ کے اہم میچ میں ہیٹ ٹرک کی۔

عقیل حسین نے اپنے چوتھے اوور کی دوسری، تیسری اور چوتھی گیند پر پشاور زلمی کے عامر جمال، مہران ممتاز اور لیوک ووڈ کو آؤٹ کیا۔

کوئٹہ گلیڈی ایٹرز کے بولر نے میچ میں 4 اوورز کرائے اور 23 رنز کے عوض 4 وکٹیں حاصل کیں۔

عقیل احمد کی ہیٹرک کے باوجود بھی کوئٹہ گلیڈی ایٹرز کی ٹیم میچ نہ جیت سکی اور اسے پشاور کے ہاتھوں 76 رنز کے مارجن سے شکست کا سامنا کرنا پڑا۔

اس جیت کے ساتھ ہی پشاور زلمی کی ٹیم نے پی ایس ایل 9 کے پلے آف مرحلے کے لیے کوالیفائی کرلیا، اس سے پہلے ملتان سلطانز کی ٹیم بھی پلے آف میں جگہ بناچکی ہے۔