راولپنڈی کی اڈیالا جیل کے کانفرنس روم میں وزیراعلیٰ خیبرپختونخوا علی امین گنڈا پور نے پاکستان تحریک انصاف کے سابق چیئرمین عمران خان سے ملاقات کی، جس میں اہم امور پر تبادلہ خیال کیا گیا۔

ذرائع کے مطابق علی امین گنڈا پور نے عمران خان سے تقریبا ایک گھنٹے تک ملاقات کی اور یہ ملاقات جیل کے کانفرنس روم میں کرائی گئی۔

ذرائع نے بتایا کہ ملاقات میں پارٹی معاملات اور خیبرپختونخوا کے حوالے سے بات چیت کی گئی۔

ذرائع کا کہنا ہے کہ ملاقات میں گزشتہ روز نکالی گئی ریلی کے حوالے سے بھی بات چیت کی گئی اور ملک کی مجموعی سیاسی صورتحال سمیت زیر سماعت مقدمات پر بھی گفتگو ہوئی۔

عمران خان سے ملاقات کے بعد وزیراعلیٰ خیبرپختونخوا علی امین گنڈا پور اڈیالہ جیل سے واپس روانہ ہو گئے۔