پشاور ہائیکورٹ میں پی ٹی آئی کے اظہر مشوانی کی اہلیہ اور بھائی کا نام ای سی ایل میں شامل کرنے کے خلاف درخواست پر سماعت ہوئی۔ عدالت نے ایف آئی اے کو نوٹس جاری کرکے آئندہ سماعت پر جواب طلب کرلیا۔

جسٹس عتیق شاہ اور جسٹس سید ارشد علی نے درخواست پر سماعت کی۔

ایڈووکیٹ سکندر حیات شاہ نے عدالت کو بتایا کہ اظہر مشوانی کی بیوی اور بھائی کا نام ای سی ایل میں شامل کیا گیا ہے۔

انھوں نے کہا کہ دونوں کسی کیس میں ملوث نہیں اور نہ نام کسی ایف آئی آر میں شامل ہے۔

وکیل نے عدالت سے استدعا کی کہ درخواست گزار عمرہ کے لئے جانا چاہتے ہیں ای سی ایل سے نام نکالنے کا حکم دیا جائے۔

جس کے بعد عدالت نے ایف آئی اے کو نوٹس جاری کرکے آئندہ سماعت پر جواب طلب کرلیا۔