Aaj News

پیر, جولائ 15, 2024  
08 Muharram 1446  

سابق بھارتی فاسٹ بالر عمارت کی چوتھی منزل سے گر کر ہلاک

شبہ ظاہر کیا جا رہا ہے کہ انہوں نے خودکشی کی ہے، بھارتی پولیس
شائع 20 جون 2024 05:56pm
تصویر بشکریہ اسپورٹس ڈائجیسٹ
تصویر بشکریہ اسپورٹس ڈائجیسٹ

بھارتی کرکٹ ٹیم کے سابق فاسٹ بالر ڈیوڈ جانسن رہائشی عمارت کی چوتھی منزل سے گر کر ہلاک ہوگئے۔

بھارتی میڈیا رپورٹس کے مطابق بھارتی فاسٹ بالر نے اپنے اپارٹمنٹ کی چوتھی منزل سے چھلانگ لگا کر مبینہ طور پر خودکشی کی ہے۔

رپورٹ کے مطابق 52 سالہ ڈیوڈ جانسن اپنی عمارت کی بالکنی سے نیچے گر کر ہلاک ہوئے جبکہ پولیس کی جانب سے سابق کرکٹر کی خودکشی کا شبہ ظاہر کیا جارہا ہے۔

رپورٹ میں بتایا گیا ہے کہ ڈیوڈ جانسن گزشتہ ایک سال سے بیمار تھے اور انکا علاج چل رہا تھا۔ جبکہ انہیں چند دن قبل ہی اسپتال سے ڈسچارج کیا گیا تھا۔

بتایا جارہا ہے کہ ڈیوڈ جیسے ہی عمارت سے گرے تو انہیں فوری طور پر اسپتال منتقل کیا گیا مگر تب تک وہ ہلاک ہوچکے تھے۔

واضح رہے کہ سابق بھارتی کرکٹر ڈیوڈ جانسن نے پسماندگان میں اہلیہ اور 3 بچے چھوڑے ہیں۔

death

Suicide

former indian bowler