Aaj News

بدھ, فروری 12, 2025  
13 Shaban 1446  

مانیٹری پالیسی کمیٹی کا آئندہ اجلاس پیر 27 جنوری کو ہوگا

اجلاس میں کتنے پوائنٹس کمی کی توقع ہے؟
شائع 20 جنوری 2025 12:58pm

اسٹیٹ بینک آف پاکستان کی مانیٹری پالیسی کمیٹی کا اگلا اجلاس پیر 27 جنوری 2025 کو ہوگا، جس میں نئی مانیٹری پالیسی کے بارے میں فیصلہ کیا جائے گا۔

گورنر اسٹیٹ بینک جمیل احمد مانیٹری پالیسی کے فیصلے کا اعلان اسی دن مانیٹری پالیسی کمیٹی کے اجلاس کے بعد ایک پریس کانفرنس میں کریں گے۔

گزشتہ پانچ اجلاسوں میں مرکزی بینک نے افراط زر کی شرح میں کمی پالیسی ریٹ میں 900 بیسس پوائنٹس کی کمی کی ہے۔

یو اے ای نے 2 ارب ڈالر کے ڈپازٹس رول اوور کردیے، اسٹیٹ بینک نے تصدیق کردی

بزنس ریکارڈر کے مطابق ایک بروکریج ہاؤس کا کہنا ہے کہ اسٹیٹ بینک کلیدی پالیسی ریٹ میں 100 بیسس پوائنٹس کی کمی کر سکتا ہے۔

انٹر مارکیٹ سیکیورٹیز نے پیر کو جاری ایک نوٹ میں کہا، ’آئندہ اجلاس میں ایک اعتدال پسند 100 بیسس پوائںٹس کم کئے جاسکتے ہیں، جو ہمارے خیال میں مارکیٹ پر اثر نہیں ڈالے گا۔ تاہم، شرح میں ایک چھوٹی کٹوتی کو منفی طور پر لیا جائے گا‘۔

پاکستان بیورو آف سٹیٹسٹکس کے اعداد و شمار سے پتہ چلتا ہے کہ پاکستان میں افراط زر دسمبر 2024 میں سالانہ بنیادوں پر 4.1 فیصد پر پہنچ گئی ہے، جو کہ نومبر 2024 کے مقابلے میں کم ہے جب یہ شرح 4.9 فیصد تھی۔

معاشی چیلنجز کے باوجود پاکستان معاشی استحکام کی جانب بڑھ رہا ہے، ورلڈ اکنامک فورم

مرکزی بینک نے اپنے آخری اجلاس میں کلیدی پالیسی کی شرح کو 200 پوائنٹس تک کم کر کے اسے 13 فیصد تک کردیا تھا۔

اس کے بعد، کمیٹی نے اندازہ لگایا کہ ’جون 2024 سے پالیسی کی شرح میں مجموعی کمی کے اثرات سامنے آنا شروع ہو گئے ہیں اور آئندہ چند سہ ماہیوں میں ظاہر ہوتے رہیں گے‘۔

State Bank Of pakistan

MONETARY POLICY COMMITTEE

Monetary Policy Rate