Aaj News

ہفتہ, فروری 15, 2025  
16 Shaban 1446  

ٹرمپ حلف برداری تقریب میں جے شنکر کو اپنی نشست چھوڑ کر پیچھے جانے کو کہا گیا؟ حقیقت سامنے آگئی

یہ دعویٰ سوشل میڈیا پر زیر گردش ہے
شائع 22 جنوری 2025 03:54pm

صدر ڈونلڈ ٹرمپ کی حلف برداری کی تقریب میں آئے بھارتی وزیر خارجہ جے شنکر سے متعلق ایک دعویٰ سوشل میڈیا پر زیر گردش ہے جس میں انہیں آگے کی نشست چھوڑ کر پیچھے کی نشست پر بیٹھنے کو کہا گیا۔

جے شنکر حلف برداری کی تقریب میں پہلی صف میں موجود تھے لیکن ایک وائرل ویڈیو نے تنازعہ پیدا کر دیا، جس کے بعد بھارتی میڈیا کو حقائق کی جانچ کرنی پڑ گئی۔

انڈیا ٹوڈے فیکٹ چیک کی مکمل تحقیقات نے اس دعوے کو مسترد کیا کہ بھارتی وزیر خارجہ کو اپنی سیٹ چھوڑ کر پیچھے کی سیٹ پر جانے کے لیے کہا گیا تھا۔

حقیقت کیا ہے؟

20 جنوری کو منعقدہ ٹرمپ کی صدارتی حلف برداری کی افتتاحی تقریب میں کئی مشہور شخصیات نے دنیا بھر سے شرکت کی تھی، جن میں بھارت کے وزیر خارجہ جے شنکر بھی شامل تھے، جو اگلی صف میں بیٹھے تھے۔

امریکی وزیر خارجہ کی کواڈ اتحاد کے وزرائے خارجہ سے ون آن ون ملاقات

انڈیا ٹوڈے کے مطابق، وائرل ویڈیو کلپ جس نے افواہ کو جنم دیا، اس میں دکھایا گیا ہے کہ ایک خاتون جے شنکر کے سامنے بیٹھے کیمرہ پرسن کو پیچھے ہٹنے کا کہتی ہیں مگر سوشل میڈیا پر یہ افواہ زیر گردش ہے کہ جے شنکر کو پیچھے ہٹنے کے لیے کہا گیا۔

تقریب کی مکمل ویڈیو کا تجزیہ کرنے کے بعد، جو افتتاحی تقاریب پر مشترکہ کانگریس کمیٹی کے یوٹیوب چینل پر دستیاب ہے، اس بات کی تصدیق ہوئی کہ جے شنکر پوری تقریب میں اپنی اگلی صف میں موجود رہے۔

ویڈیو میں خاتون کو کیمرہ پرسن سے دوسری جگہ منتقل ہونے کو کہتے ہوئے دیکھا گیا تاکہ وہ اسٹیج کا بہتر انداز سے کوور کرسکے۔

Donald Trump

Jay Shankar