حکومت نے قومی اسمبلی میں فرنٹ فٹ پر کھیلتے ہوئے دس ماہ میں 38 بل منظور کرالئے جبکہ 24 قراردادیں پاس کی گئیں۔ اس دوران ایوان زیریں میں اپوزیشن صرف احتجاج ہی کرتی نظر آئی۔

قومی اسمبلی کے پہلے دس ماہ میں قانون سازی پر نظر ڈالی جائے تو حکومتی بینچ ٹی ٹونٹی میچ کی طرح جارحانہ انداز میں نظر آئی۔

آج نیوز کو حاصل تفصیلات کے مطابق حکومت نے 26 بل اور 12 آرڈیننس پیش کیے جن میں سے 29 منظور کرلیے گئے جبکہ 5 نجی بل بھی باقاعدہ ایکٹ بنے۔

اسلامی نظریاتی کونسل میں تقرری کا عمل مکمل، اراکین کی تعداد 20 ہوگئی

قومی اسمبلی کے11 سیشنز میں 204 قراردادیں پیش کی گئیں، جنمیں سے صرف 24 منظور ہوسکیں جبکہ 148 قراردادیں زائد المعیاد ہوکر ختم ہوگئیں۔

قومی اسمبلی کا دسواں سیشن بل منظوری میں سرفہرست رہا جس میں 13 بل منظور کیے گئے، جبکہ 51 میں سے 7 قراردادیں منظور ہوئیں۔

سپریم جوڈیشل کونسل میں جسٹس شمس محمود مرزا کے خلاف ریفرنس دائر

26ویں آئینی ترمیم ہو، انتخابی ترمیم یا پھرعدالت عظمیٰ اور ججز کی تعداد سے متعلق قانون سازی ہو، حکومت نمبر گیم کے ساتھ فرنٹ فٹ پر کھیلتی رہی۔

دوسری جانب اپوزیشن نے بھی ایوان زیریں کا میدان خالی نہ چھوڑا اور کم و بیش ہر اجلاس میں احتجاج ریکارڈ کروایا۔