چین کے وزیر خارجہ وانگ ای نے ہفتے کے روز جنگ بندی سے قبل پاکستان اور بھارت کے اعلیٰ حکام سے علیحدہ علیحدہ گفتگو کی، جس کے فوراً بعد اسلام آباد اور نئی دہلی کے درمیان جنگ بندی پر اتفاق ہو گیا۔ چینی وزارت خارجہ کے مطابق، وانگ ای نے پاکستانی وزیر خارجہ اسحاق ڈار اور بھارتی قومی سلامتی کے مشیر اجیت دوول سے بات چیت میں فوری جنگ بندی کی حمایت کی اور زور دیا کہ فریقین اس پر سختی سے عملدرآمد کریں تاکہ مزید تصادم سے بچا جا سکے۔

چین، جو پاکستان اور بھارت دونوں کا ہمسایہ ملک ہے، اس نے دونوں ممالک پر زور دیا کہ وہ خطے کے استحکام کو خطرے میں ڈالنے والی کشیدگی سے گریز کریں اور تنازعات کو بات چیت کے ذریعے حل کریں۔

جنگ بندی کے بعد انڈیا میں مودی کے حامی بھگتوں پر بھارتی صارفین بھڑک اٹھے

چینی وزیر خارجہ نے اجیت دوول سے گفتگو میں کہا کہ ’موجودہ عالمی صورتحال پیچیدہ اور غیر مستحکم ہے، ایشیا کا امن اور استحکام بڑی محنت سے حاصل ہوا ہے، اسے سنبھال کر رکھنا چاہیے۔‘

دوسری جانب، پاکستانی وزیر خارجہ اسحاق ڈار نے چین کی ثالثی کی کوششوں پر شکریہ ادا کیا اور مستقبل میں بھی بیجنگ کے ساتھ قریبی رابطہ برقرار رکھنے کی خواہش ظاہر کی۔

بھارتی رپورٹر کا مائک کھلا رہ گیا اور پھر سچ نکل گیا

بعد ازاں ہفتے کی شام پاکستان اور بھارت نے اچانک ایک دوسرے کے خلاف جاری فوجی کارروائیوں کا سلسلہ روکنے پر اتفاق کرتے ہوئے فوری جنگ بندی کا اعلان کیا۔