امریکا کے دارالحکومت واشنگٹن ڈی سی میں ہفتے کی رات نجی ہوٹل میں وائٹ ہاؤس کے نمائندوں کی سالانہ تقریب کے دوران ایک مسلح شخص نے فائرنگ کردی، جس میں صدر ڈونلڈ ٹرمپ بال بال بچ گئے۔ واشنگٹن میں وائٹ ہاؤس کے صحافیوں کی تقریب پر حملے کے ملزم کی شناخت ریاست کیلیفورنیا سے تعلق رکھنے والے 31 سالہ کول ٹامس ایلن کے نام سے ہوئی ہے۔ میئر واشنگٹن کے مطابق ملزم اس وقت زخمی حالت میں اسپتال میں زیرِ علاج اور پولیس کی سخت نگرانی میں ہے۔