جاتی امراء اراضی کا انتقال منسوخی، ریکارڈ کیلئے رابطہ
جاتی امراٗ اراضی کا انتقال منسوخ کرنے کی کارروائی کا ریکارڈ حاصل کرنے کیلئے شریف خاندان نے ریونیو ڈپارٹمنٹ سے رجوع کر لیا۔
یوسف عباس شریف کی جانب سے کی گئی درخواست عطا اللہ تارڑ نے سینئر ممبر بورڈ آف ریونیو کے دفتر میں جمع کروائی۔
مسلم لیگ نون کے رہنما عطا اللہ تارڑ دیگر رہنماؤں کے ہمراہ سینئر ممبر بورڈ آف ریونیو کے آفس پہنچے۔
لیگی رہنماؤں نے یوسف عباس شریف کی جانب سے جاتی امراٗ اراضی کے انتقال منسوخی کی کارروائی کا ریکارڈ مہیا کرنے کی درخواست جمع کروائی۔
درخواست میں مؤقف اختیار کیا گیا ہے کہ بیگم شمیم اختر کے نام اراضی کا انتقال منسوخ کر کے پنجاب حکومت کے نام کر دیا گیا ہے، اراضی کے کیسوں میں درخواستگزار لازمی ہوتا ہے لیکن جاتی امرا اراضی کیس میں نامعلوم درخواست گزار کی درخواست پر ایکشن لیا گیا۔
حکومت کی جانب سے بیگم شیم اختر کے نام اراضی کا انتقال منسوخ کرنے کیلئے جو کارروائی کی گئی اس کا ریکارڈ مہیا کیا جائے۔
Comments are closed on this story.