Aaj TV News

BR100 4,678 Decreased By ▼ -9 (-0.18%)
BR30 18,623 Decreased By ▼ -17 (-0.09%)
KSE100 45,507 Decreased By ▼ -105 (-0.23%)
KSE30 17,926 Decreased By ▼ -16 (-0.09%)
COVID-19 TOTAL DAILY
CASES 1,333,521 5,034
DEATHS 29,029 10
Sindh 505,930 Cases
Punjab 454,372 Cases
Balochistan 33,729 Cases
Islamabad 111,855 Cases
KP 182,419 Cases

اسلام آباد:مسلم لیگ (ن)کی نائب صدر مریم نواز کا کہنا ہے کہ وزیراعظم ہاؤس میں ایک دہشت گرد بیٹھا ہے، جو اداروں کو ملوث کرکے ڈرا دھمکا کر اپوزیشن کو قید کرنے کا کہتا ہے، سیاسی انجینئرنگ کیلئے ادارے استعمال کئے جا رہے ہیں،(ن)لیگ اور پیپلزپارٹی کے درمیان کوئی اختلاف نہیں، یہ عوام کے حقوق کی جنگ ہے یہ مسلط شدہ حکومت سے چھٹکارا دلانے کی جنگ ہے۔

اسلام آباد ہائیکورٹ کے باہر میڈیا سے گفتگو کرتے ہوئے نائب صدر ن لیگ مریم نواز کا کہنا تھا کہ مافیاز کے گینگز نے کبھی ایسی حرکتیں نہیں کیں جو وزیراعظم ہاؤس سے کی جارہی ہیں، تاریخ میں کبھی وزیر اعظم آفس کے اندر گھناؤنے جرائم کا ارتکاب نہیں ہوا،اداروں کے سربراہ کو بلا کر کہا جاتا ہے کہ مقدمات بنائیں، سیاسی انجینئرنگ کیلئے ادارے استعمال کئے جا رہے ہیں۔

مریم نواز نے مزید کہا کہ وزیراعظم ہاؤس میں ایک دہشتگرد بیٹھا ہوا ہے، وزیراعظم اداروں کو ملوث کرکے ڈرادھمکا کراپوزیشن رہنماؤں کو قید کرنےکا کہتےہیں،بشیر میمن ایک ادارے کے سربراہ تھے اور ادارے کا سربراہ ذمہ داری سے بات کرتا ہے، لوگوں کو سمجھ آگیا ہے کہ مافیاز یا گینگ کیا ہوتے ہیں۔

نائب صدر ن لیگ نے کہا کہ اتنی سیاسی انجینئرنگ کے باوجود نتیجہ کیا رہا، حکمرانوں کو پھر بھی ہر محاذ پر نا اہلی اور ناکامی کا سامنا کرنا پڑا جس کی مثال نہیں ملتی، دنیا میں آپ منہ دکھانے کے قابل نہیں، عوام پر مہنگائی اور لاقانونیت کا عذاب آیا ہوا ہے،عمران خان ناکام ہو گئے ہیں۔

مریم نواز کا کہنا تھا کہ جتنی جلدی سے حکومت سے جان چھٹ جائے اچھا ہے، اگر پیپلزپارٹی استعفوں میں شامل ہو جاتی تو اس وقت حکومت گھر جاچکی ہوتی، سیاسی جماعتیں اختلافات کے باوجود بھی ایک دوسرے کےساتھ چلتی ہیں۔