Aaj TV News

BR100 4,401 Decreased By ▼ -270 (-5.78%)
BR30 17,494 Decreased By ▼ -1340 (-7.12%)
KSE100 43,234 Decreased By ▼ -2135 (-4.71%)
KSE30 16,698 Decreased By ▼ -878 (-4.99%)
COVID-19 TOTAL DAILY
CASES 1,285,631 377
DEATHS 28,745 8
Sindh 476,017 Cases
Punjab 443,240 Cases
Balochistan 33,488 Cases
Islamabad 107,765 Cases
KP 180,146 Cases

ہم عموماً پیٹ میں اٹھنے والے درد کو نظر انداز کردیتے ہیں اور کوشش ہوتی ہے کہ گھر پر ہی اس کا علاج لیں، لیکن اب ایک ماہر ڈاکٹر نے اس حوالے سے خبردار کیا ہے۔

دی سن کے مطابق برطانیہ کی ڈاکٹر سارا جرویس کہتی ہیں کہ چھ طرح کے پیٹ درد کو کسی صورت نظر انداز نہیں کرنا چاہیے، کیونکہ یہ کسی خطرناک بیماری کی علامت بھی ہو سکتا ہے جو کینسر بھی ہو سکتی ہے۔

ڈاکٹر سارا کے مطابق اگر کسی شخص کو پیٹ میں درد رہتا ہے اور اس کے ساتھ پاخانے میں خون بھی آتا ہے تو غالب امکان ہے کہ وہ شخص مقعد کے کینسر میں مبتلا ہے۔

ڈاکٹر سارا کا کہنا تھا کہ اسی طرح اگر کسی شخص کو بہت تیز پیٹ درد اٹھتا ہے تو یہ اپینڈکس یا معدے کے السر کی علامت ہو سکتا ہے۔ اس کے علاوہ یہ گردے میں پتھری کی وجہ سے بھی ہو سکتا ہے۔

اگر کوئی شخص پیٹ درد کے ساتھ خود کو بیمار بھی محسوس کر رہا ہے تو اس کے معدے میں سنجیدہ نوعیت کا کوئی مسئلہ ہے۔ اس کا پتہ ٹھیک سے کام نہیں کر رہا، اسے قبض یا ڈائریا لاحق ہے یا اس کا نظام انہضام ٹھیک کام نہیں کر رہا۔

ڈاکٹر سارا نے بتایا کہ اگر کسی شخص کو مسلسل پیٹ درد لاحق ہے اور اس کا وزن بھی کم ہو رہا ہے تو غالب امکان ہے کہ وہ کینسر کا شکار ہے۔

اسی طرح پیٹ درد کے ساتھ بخار ہو تو یہ انفلیمیشن، فوڈ پوائزننگ، پتے میں انفیکشن، پیڑو کے پٹھوں کی انفیکشن وغیرہ کی علامت ہو سکتا ہے۔

اگر آپ کو دائمی نوعیت کا پیٹ درد لاحق ہے تو یہ اس بات کی علامت ہے کہ آپ کا معدہ ٹھیک سے خوراک ہضم نہیں کر رہا۔ آپ کو ذہنی دباﺅ لاحق ہے، آپ بہت زیادہ کیفین لے رہے ہیں یا رات کو بہت دیر سے کھانا کھا رہے ہیں۔