Aaj.tv Logo

اسلام آباد:سندھ میں پہلے مرحلے کے تحت 14 اضلاع میں بلدیاتی انتخابات 26 جون کو ہوں گے، کل سے 13 مئی تک امیدوار کاغذات نامزدگی متعلقہ ریٹرننگ افسران کے پاس جمع کروا سکیں گے، 24 جولائی کو دیگر 16 اضلاع میں بلدیاتی انتخابات ہوں گے،الیکشن کمیشن کی تیاریاں جاری ہیں۔

الیکشن کمیشن کے جاری کردہ شیڈول کے مطابق سندھ میں پہلے مرحلے کے بلدیاتی انتخابات 26 جون کو ہو رہے ہیں، 10 مئی کو پہلے مرحلے میں 14 اضلاع میں ہونے والے بلدیاتی انتخابات میں ریٹرننگ آفیسرز اپنے متعلقہ ضلعوں میں پبلک نوٹس جاری کریں گے، امیدوار 10 سے 13 مئی تک کاغذات نامزدگی جمع کرائیں گے۔

دوسرے مرحلے کے تحت 16اضلاع میں بلدیاتی انتخابات 24 جولائی کو ہوں گے، صوبے کے 2اضلاع کراچی ویسٹ اور کیماڑی میں مقامی حکومتوں کلئے حلقہ بندیوں کا کام 18 اپریل سے جاری ہے جو 31 مئی کو مکمل ہو جائے گا۔