Aaj.tv Logo

آئی ایم ایف اور پاکستان : پالیسی سطح کے مذاکرات 24 اور 25 مئی کو ہوں گے

22 مئ 2022
<p>مذاکرات کے بعد قرض کی رقم کے حوالے سے فیصلہ ہوگا ــ فوٹو فائل</p>

مذاکرات کے بعد قرض کی رقم کے حوالے سے فیصلہ ہوگا ــ فوٹو فائل

دوحہ : آئی ایم ایف اور پاکستان کے درمیان مذاکرات جاری ہیں، تکنیکی کے بعد پالیسی سطح کے مذاکرات 24 اور 25 مئی کو ہوں گے۔

آج نیوز کے مطابق 96 کروڑ ڈالر کی قرضے کی قسط کیلئے پاکستان اور عالمی مالیاتی ادارے کے درمیان دوحہ میں جاری مذاکرات میں آئی ایم ایف نے ایک بار پھر پٹرولیم مصنوعات کی قیمتیں بڑھانے کا مطالبہ کیا ہے۔

تاہم آئی ایم ایف کے مطالبے پر پر پاکستان نے مرحلہ وار قیمتیں بڑھانے کا پلان سامنے رکھا ہے۔

ذرائع کا کہنا ہے کہ تمام سبسڈی فوری ختم کرکے عوام پر یک مشت اتنا بوجھ ڈالنا ممکن نہیں، مرحلہ وار تمام سسبڈی واپس لینے پر پاکستان تیار ہے۔

حکام وزارت خزانہ کا کہنا ہے کہ عام لوگوں تک ہی سبسڈی دینے کی تجویز دی گئ ہے۔

مزید کہا کہ غیر ضروری اخراجات میں ہر طرح کی کمی لانے کا پلان ہے،بجٹ کے حوالے سے بھی اقدامات پر آئی ایم ایف کو اعتماد میں لیا جارہا۔

علاوہ ازیں مذاکرات کے حتمی دور میں امید ہے بہتر فیصلے ہوں گے، پوری ٹیم کوشش کررہی کہ آئی ایم ایف کے ساتھ مذاکرات کامیاب ہوں۔

واضح رہے کہ حتمی دور میں اہم فیصلے ہونگے، پالیسی سطح کے مذاکرات کے بعد پاکستان کے حوالے سے قرض کی رقم کے حوالے سے فیصلہ ہوگا۔