Aaj.tv Logo

نواز شریف کی ہدایت پر پاکستان جانے کا فیصلہ کیا ہے: اسحاق ڈار

30 جون 2022
<p>اپنے خلاف جعلی کیس کا مقابلہ بھی کروں گا۔ فوٹو — فائل</p>

اپنے خلاف جعلی کیس کا مقابلہ بھی کروں گا۔ فوٹو — فائل

سابق وزیر خزانہ اور رہنما مسلم لیگ (ن) اسحاق ڈار نے کہا کہ پارٹی کے قائد نواز شریف کی ہدایت پر پاکستان جانے کا فیصلہ کیا ہے۔

ایک بیان میں اسحاق ڈار نے کہا کہ ساڑھے 3 سال کے بعد پاسپورٹ مل گیا ہے، اب سفر کرسکتا ہوں، پاکستان اپنے رسک پر جاؤں گا، یہ میرا ملک ہے، میں نے میں نے پاکستان کو دو بار دیوالیہ ہونے سے بچایا ہے۔

اسحاق ڈار نے کہا کہ میں نے اپنے سرجن سے کہا کہ پاکستان جانا چاہتا ہوں جس پر انہوں نے کچھ ایکسر سائز کرنے کی تجویز دی ہے۔

ان کا مزید کہنا تھا کہ میرے خلاف ایک کیس ہے کہ 20 سال میں ٹیکس ریٹرن نہیں دیا، میرے خلاف ریفرینس جھوٹا ہے۔

لیگی رہنما نے کہا کہ نوازشریف کی ہدایت پر پاکستان جانے کا فیصلہ کیا ہے جہاں میں اپنے خلاف جعلی کیس کا مقابلہ بھی کروں گا۔