دورہ نیدر لینڈز اور ٹی 20 ایشیا کپ کے لیے قومی اسکواڈز کا اعلان

نیدر لینڈ کےخلاف 3ون ڈے میچز کے لیے 16 کھلاڑیاں کا انتخاب کیا گیا ہے جبکہ اے سی سی ٹی 20 ایشیا کپ کے لیے 15کھلاڑیوں کو اسکواڈ کا حصہ بنایا گیا ہے۔
ویب ڈیسک
شائع 03 اگست 2022 01:51pm
کھیل
حسن علی کو دونوں ٹورز سے آرام دے کران کی جگہ فاسٹ بولر نسیم شاہ کو شامل کرلیا گیا۔ فوٹو۔۔۔۔۔۔۔۔۔۔۔۔ فائل
حسن علی کو دونوں ٹورز سے آرام دے کران کی جگہ فاسٹ بولر نسیم شاہ کو شامل کرلیا گیا۔ فوٹو۔۔۔۔۔۔۔۔۔۔۔۔ فائل

پاکستان کرکٹ بورڈ(پی سی بی) نے دورہ نیدر لینڈز اور ٹی 20 ایشیا کپ کے لیے قومی اسکواڈز کا اعلان کردیا۔

آئی سی سی مینز کرکٹ ورلڈ کپ سپر لیگ میں شامل نیدر لینڈ کےخلاف 3ون ڈے میچز کے لیے 16 کھلاڑیاں کا انتخاب کیا گیا ہے جبکہ اے سی سی ٹی 20 ایشیا کپ کے لیے 15کھلاڑیوں کو اسکواڈ کا حصہ بنایا گیا ہے۔

آؤٹ آف فارم حسن علی کو ڈراپ کردیا گیا، حسن علی کو دونوں ٹورز سے آرام دے کران کی جگہ فاسٹ بولر نسیم شاہ کو دونوں اسکواڈز میں شامل کرلیا گیا جبکہ سلمان علی آغا کی قومی ون ڈے اسکواڈ میں واپسی ہوگئی۔

فاسٹ باؤلر شاہین شاہ آفریدی دونوں اسکواڈز میں شامل ہیں تاہم قومی ٹیم کے فزیو اور ٹرینر نیدرلینڈز میں شاہین آفریدی کے ری ہیب کا جائزہ لینے کے بعدان کی فائنل الیون میں شمولیت کا فیصلہ کریں گے۔

عبداللہ شفیق، امام الحق، محمد حارث، سلمان علی آغا اور زاہد محمود نیدرلینڈز میں سیریز کھیلنے کے بعد وطن واپس آجائیں گے جبکہ آصف علی، حیدر علی، افتخار احمد اور عثمان قادر متحدہ عرب امارات میں قومی ٹی 20 اسکواڈ کو جوائن کریں گے۔

نیدرلینڈز کے خلاف قومی ون ڈے اسکواڈ

نیدرلینڈز کےخلاف 3میچزکے لیے ون ڈے اسکواڈبابراعظم(کپتان)، شاداب خان(نائب کپتان )، عبداللہ شفیق، فخر زمان، حارث رؤف، امام الحق، خوشدل شاہ، محمد حارث، محمد نواز، محمد رضوان، وسیم جونیئر، نسیم شاہ، سلمان علی آغا، شاہین شاہ آفریدی، شاہنواز دھانی اور زاہد محمودپرمشتمل ہے۔

ٹی 20 ایشیا کپ کے لئے قومی اسکواڈ

یواے ای میں ہونے والے ٹی20ایشیا کپ کے لیے قومی ٹیم میں بابر اعظم(کپتان )، شاداب خان(نائب کپتان )، آصف علی، فخر زمان، حیدرعلی، حارث رؤف، افتخار احمد، خوشدل شاہ، محمد نواز، محمد رضوان، وسیم جونیئر، نسیم شاہ، شاہین شاہ آفریدی، شاہنواز دھانی اور عثمان قادرشامل ہیں۔

دوسری جانب اعلان کردہ اسکواڈز میں شامل قومی کھلاڑیوں کا ٹریننگ کیمپ 6سے 11اگست تک لاہور میں لگے گا،اس دوران وہ 50 اوورزپر مشتمل 2 پریکٹس میچز کھیلیں گے۔

اسکواڈ 11اور12اگست کی درمیانی شب ایمسٹرڈیم روانہ ہوگا،جہاں سے وہ اے سی سی ٹی ٹوئنٹی ایشیا کپ میں شرکت کرنے 22 اگست کو دبئی پہنچے گا۔

مزید خبریں
مقبول ترین
تازہ ترین