Aaj News

بدھ, جون 12, 2024  
06 Dhul-Hijjah 1445  

پی سی بی نے کرکٹ شائقین کو خوشخبری سُنا دی

امید ہے شاہین ٹی ٹوئنٹی ورلڈ کپ سے قبل مکمل فٹنس حاصل کرکے ایونٹ میں حصہ لے سکیں گے
شائع 29 اگست 2022 08:51pm
لندن میں ورلڈ کلاس سہولیات موجود ہیں۔ فوٹو — آئی سی سی
لندن میں ورلڈ کلاس سہولیات موجود ہیں۔ فوٹو — آئی سی سی

پاکستان کرکٹ بورڈ (پی سی بی) نے شاہین آفریدی کی میدان میں واپسی سے متعلق شائقین کرکٹ کو خوشخبری سنا دی۔

پی سی بی کے مطابق گھٹنے کی انجری کا شکار فاسٹ بولر شاہین شاہ آفریدی اپنا ری ہیب لندن میں مکمل کریں گے۔

پی سی بی کا کہنا ہے کہ فاسٹ بولرکے گھٹنے کو بلا تعطل اسپیشلسٹ کیئر کی ضرورت ہےاور لندن میں ورلڈ کلاس سہولیات موجود ہیں۔

پاکستان کرکٹ بورڈ نے کہا کہ امید ہے فاسٹ بولر ٹی ٹوئنٹی ورلڈ کپ 2022 سے قبل مکمل فٹنس حاصل کرکے ایونٹ میں حصہ لے سکیں گے۔

خیال رہے کہ شاہین آفریدی کو سری لنکا کے خلاف پہلے ٹیسٹ کے دوران گھٹنے کی انجری ہوئی تھی جس کے باعث وہ ایشیا کپ اور ٹی ٹوئنٹی ورلڈ کپ سے باہر ہوگئے تھے۔

dubai

Shaheen Shah Afridi

T20 World Cup

Asia Cup 2022

Knee Injury