پاکستان سے ہوم سیریز کے لئے نیوزی لینڈ کی ٹیم کل رات کراچی آئے گی، سیریز کے لئے پاکستانی اسکواڈ کا اعلان بھی کل کیا جائے گا۔

انگلینڈ سے ہوم گراؤنڈ پروائٹ واش کے بعد اب پاکستان کو نیوزی لینڈ کا چیلنج درپیش ہوگا۔

کراچی اور ملتان میں 2 ٹیسٹ اور 3 ون ڈے میچز کھیلنے کے لئے مہمان ٹیم جمعرات اورجمعے کی درمیانی شب شہرقائد پہنچے گی۔

کیوی ٹیم 2021 میں بھی پاکستانی آئی لیکن سیکیورٹی کا جواز بنا کر دورہ ادھورا چھوڑکرچلی گئی تھی۔

سیریز کے لئے پاکستانی اسکواڈ کا اعلان بھی ایک دو روز میں متوقع ہے جبکہ ٹیم میں حسن علی، یاسرشاہ اور فواد عالم کی واپسی کا امکان ہے۔

پاکستان اور نیوزی لینڈ کی ٹیموں کے درمیان پہلا ٹیسٹ 26دسمبرسے کراچی میں شروع ہوگا۔