Aaj News

تحریک انصاف کا عدم اعتماد کا مقابلہ کرنے کے بعد اسمبلی تحلیل کرنے کا فیصلہ

عمران خان کی اراکین اسمبلی کو لاہور میں رہنے اور آج پنجاب اسمبلی اجلاس میں شرکت کی ہدایت
شائع 22 دسمبر 2022 09:46pm
پی ٹی آئی اجلاس۔ فوٹو — فائل
پی ٹی آئی اجلاس۔ فوٹو — فائل

پاکستان تحریک انصاف (پی ٹی آئی) نے وزیراعلیٰ پنجاب، اسپیکر اور ڈپٹی اسپیکر کے خلاف عدم اعتماد کا مقابلہ کرنے کے بعد اسمبلی تحلیل کرنے کا فیصلہ کرلیا۔

ایوان وزیر اعلیٰ میں پی ٹی آئی پنجاب کی پارلیمانی پارٹی کا اجلاس ہوا جس میں 156 ارکان شریک ہوئے، اجلاس میں اسمبلی اجلاس سے متعلق مشاورت کی اور عدم اعتماد کا بھرپور انداز میں مقابلہ کرنے کی حکمت عملی طے کی گئی۔

ذرائع کے مطابق پارلیمانی پارٹی کے اجلاس میں پی ٹی آئی کے کچھ ارکان بیرون ہونے اور بعض شہر میں دھند ہونے کے سبب شرکت نہیں کر سکے۔

اس موقع پر عمران خان نے اجلاس کے شرکاء سے ویڈیو لنک کے ذریعے خطاب کرتے ہوئے اراکین اسمبلی کو لاہور میں رہنے اور کل پنجاب اسمبلی اجلاس میں شرکت کرنے کی ہدایت کی۔

پی ٹی آئی چیئرمین کا کہنا تھا کہ تحریک عدم اعتماد میں اپوزیشن کو منہ کی کھانا پڑے گی، اپوزیشن کبھی 186 ارکان پورے نہیں کر پائے گی۔

عمران خان نے کہا کہ ہم ہر صورت اسمبلی سے نکلیں گے، عدم اعتماد کے بعد اسمبلی تحلیل کردیں گے جس کے بعد اپوزیشن عدالت اور ہم عوام میں جائیں گے۔

pti

imran khan

lahore

punjab assembly

no confidence motion

politics Dec 22 2022

Comments are closed on this story.

تبصرے

تبولا

Taboola ads will show in this div