نگراں وزیراعظم انوار الحق کاکڑ اور چینی صدر شی جن پنگ کے درمیان ملاقات طے ہوگئی۔

خیال رہے کہ اقوام متحدہ جنرل اسمبلی کے 78ویں اجلاس کے موقع پر وزیراعظم کی دو طرفہ ملاقاتیں نہیں ہوئی تھیں۔

اب ذرائع کا کہنا ہے کہ شی جن پنگ اور انوار الحق کاکڑ کی ملاقات بیلٹ اینڈ روڈ فورم کے بعد ہوگی جس میں اعلیٰ سطح کا وفد بھی موجود ہوگا۔

بیلٹ اینڈ روڈ فورم کا اجلاس 17 اور 18 اکتوبر کو بیجنگ میں ہوگا جس میں روسی صدر ولامیر پیتون سمیت 25 ممالک کے سربراہاں شریک ہوں گے۔